
2006-10-31 | 20:41:37
Istripua
Bi gazte larriki zauritu dira Gabirian izandako auto istripu batean
Bihurgune batean errepidetik irten eta zuhaitza jo dute; oso bortitza izan da kolpea
Gaur 18:50ean Gabiriarako igoeran gertatu den trafiko istripu batean bi gaztek oso zauri larriak jasan dituzte. Gi-3381 errepidean, Ormaiztegitik Gabiriarako bidean, herrigunera iristeko kilometro baten faltan, bi zaurituak zihoazen Gasteizko matrikuladun Seat Ibiza bidetik irten da eta zuhaitza jo du. Oso bortitza izan da kolpea.
Ezkio-Itsasoko J.I.M. eta Zumarragako I.I.C. bizilagunak dira zaurituak, 26na urtekoak. Kolpearen ondorioz autoa "txikituta" geratu dela jakinarazi du Ertzaintzak, eta bi gazteetako bat suhiltzaileek erreskatatu behar izan dute. Donostiako erietxera eraman dituzte anbulantzia banatan.
Istripua Areatza deritzon tokian gertatu da, Ormaiztegitik Gabiriarako igoeran (Gi-3381). Ezkerretarako bihurgune itxi batean izan da ezbeharra.
Parte hartu | Zure mezua bidali
Parte hartzeko arauak
© Goierriko Hedabideak S.L. - Urbialde Plaza 7, behea - BEASAIN - Tel.: 943 16 00 56
Faxa: 943 88 96 12 - E-posta: goierri@goierrikohitza.info
Internet Ehuntzen S.L.-k garatua
Goierriko Hedabideak S.L.ko kideak: Zintzo Mintzo, Goierritarra
Bertako Hedabideak (EKT)
eta Goierriko Berriak Kultur Elkartea: 15 gizarte eragile.